| L'an 1566 et le 9e décembre, regnant Charles et personellement establye noble Ysabelz de Malhian, relayssée à feu noble Geudeffre Hugonnet, seigneur d'Enguayrescas, a dit avoyr faict son testament receu par maître Guillaume Cavalade, notaire, sus l'an, voulant a icelluy augmenter, de gré a donné à noble Flores de Solatges, sa belle filhe, relayssée à feu noble Françoys Hugonnet, oultre le leguat qui luy avoit esté donné au susdit testament, la somme de 50 l. t. payables du leguat donné à Jacques et Anthoine Hugonnet, ses filz, de la somme qui leur avoit esté donné, qu'estoit à chascun 350 l.t. Puis a voulu que soit donné à Francoyse Hugonette, femme à Anthoine Meseyrac de la Canorgue, autres 50 l. t. payables apres son deces et levables aulx termes descritz et couchés aulx léguatz desdits ...., sesdits filz, sus lesdits léguatz comme dessus a esté dict, voulant que tout ce dessus soit augmenté à sondit testament, duquel codicille lesdites damoyselles en ont requis acte. Faict audit Severac en mayson de sire Pierre Sudry ? où ladite codicillante faict sa demeure. |
